«Тарих және жаһандық құзыреттілік пәндері әдістемелік бірлестігі»

Ағымдағы жылдың 29 сәуір күні Облыстық тьютoр жобасы аясында мектеп-гимназиямызда «Тарих және жаһандық құзыреттілік пәндері әдістемелік бірлестігі» ұстаздарының ұйымдастыруымен мазмұнды әрі тағылымды семинар өткізілді.
Семинар барысында тарих пәнін оқыту үдерісінде жасанды интеллект мүмкіндіктерін тиімді пайдалану жолдары жан-жақты қарастырылды. Ұстаздар коучинг арқылы заманауи әдіс-тәсілдерді тәжірибеде қолданудың қыр-сырын бөлісіп, панорамалық сабақтар арқылы өз іс-тәжірибелерін жоғары деңгейде көрсетті.
Аталған шара педагогтердің кәсіби шеберлігін арттыруға, білім беру үдерісіне инновациялық технологияларды енгізуге және өзара тәжірибе алмасуға зор мүмкіндік береді деген ойдамыз.